Abatwara amapikipiki n’amakinga y’amashirahamwe akorera mu gisagara ca Bujumbura basabwa kwandikisha ivyuma vyabo. Ni mu ntumbero yo kubaha uruhusha rwo gusubira kugendesha ivyo vyuma mu gisagara ca Bujumbura. Ikindi gitegekanijwe, ni ukuzobaha inyigisho zijanye n’ukwubahiriza amategeko y’ibarabara. Ivyo vyashikirijwe n’umushikirananji w’Intwaro yo hagati mu gihugu, Gervais Ndirakobuca. Akaba abivuze inyuma y’ukwezi hashizwe mu ngiro ingingo ibuza amapikipiki, amakinga n’amatukutuku gusubira gukoreshwa mu gisagara ca Bujumbura.