Umurundi wese azokwipfuza kwiteza urucanco arafise uburenganzira bwo kuja kurwisabira ariko ntihagire ico azobaza Leta rumugizeko ingaruka mbi. Gervais Ndirakobuca, umushikiranganji w’intwaro yo hagati mu gihugu n’umutekano, yaragabishije Abarundi. Hari kuri uyu wa kane mu nama y’abajejwe intwaro yabereye mu ntara ya Gitega. Uwo mutegetsi asanzwe ari nawe arongoye umurwi w’igihugu wo guhangana n’ikiza ca Corona, amenyesha ko ico Leta yemeye ari ukwakira izo ncanco ikazibika, nayo ibihuha bimaze imisi bigaragara ku mbuga ngurukanabumenyi ngo Leta yemeye ko Abarundi baronswa incanco, atari vyo na gato.