Umurwi w’igihugu wo gutatura amatati y’amatongo n’ayandi matungo CNTB warasubije mu minwe ya Leta amatongo abiri ari mu Ngagara muri komine Ntahangwa mu buraruko bw’igisagara ca Bujumbura. Ayo matongo akaba ari ayasanzwe arimwo amashure yisumbuye ya Lycée Central saint Gabriel na Lycée de l’Amitié. Godefroid Ntahondi, umwe mu bagize umurwi CNTB, yamenyesheje ko ayo matongo asubijwe mu ntumbero yo gushira mu ngiro ingingo yafashwe na CNTB ku rwego rw’igihugu mu mwaka w’2014.