Umushikiranganji w’Uburimyi niwe yategerezwa gutorera umuti ikibazo co kutumvikana kiri hagati y’umuyobozi mukuru w’ikigo kijejwe ubushakashatsi mu vy’uburimyi (ISABU) n’abarongoye ishirahamwe rihingura umwavu FOMI. Izo ndyane zikaba arizo zatumye habandanya gukoreshwa mu mirima urugero rw’umwavu rudakwirikije ivyigwa vy’abahinga. Abarimyi gushika uno munsi bakaba bagikwirikiza urugero rw’umushikiranganji w’Uburimyi ariko bikaba bifise ingaruka nyinshi harimwo itituka ry’isi.