Urucanco rukinga ikiza c’umugera wa Corona rugiye kuba itegeko kugira abanyagihugu b’umuryango w’ibihugu vya Afrika y’ubuseruko bashobore gutembera mu bihugu biri muri uwo muryango. Ivyo vyashikirijwe na Christophe Bazivamwo, icegera c’umunyamabanga mukuru muri EAC ajejwe igisata c’abikorera utwabo. Akaba yabishikirije kuri uyu wa 26 Myandagaro i Bujumbura, igihe hugururwa ibirori bigira kane vy’irata ry’ibihingurirwa mu Burundi. Iyo ngingo ikaba ifise intumbero yo gufasha uguhanahana ibidandazwa muri ibi bihe bigoye vy’ikiza ca Corona.