Kubona umukuru w’Igihugu Evariste Ndayishimiye yemera ko amafaranga agenewe ikigega ca leta azotozwa yose kandi agakoreshwa ku mugaragaro ngo ni vyiza, ariko kandi ngo bikwiye gushirwa mu ngiro kumwe n’ibindi vyinshi amaze igihe yemera ariko bitaja mu ngiro. Ivyo bisigurwa na Gabriel Rufyiri, arongoye ishirahamwe OLUCOME rirwanya isesagura ry’amatungo ya leta n’ibiturire. Akabona ko umwaka w’2021 wabaye umwaka wo kwemera ku majambo, akizera ko umwaka w’2022 uzoba umwaka wo gushira mu ngiro ivyemewe muri uwo mwaka vyose.