Umutekano muke umaze iminsi mu buseruko bwa Congo uratanguye gutuma abaserukira abanyagihugu bo muri ako gace bahaguruka. Aha ni nk’umushingamateka Claude Misare Mugomberwa, yandikiye ikete umunyamabanga mukuru w’ishirahamwe mpuzamakungu ONU Antonio Guterres, amusaba gufata mu ntoke ikibazo c’ubwicanyi buriko bukorwa n’abasirikare b’Uburundi mu ntara ya Kivu y’Ubumanuko. Uwo mushingamateka, mw’ikete ryiwe, asaba ishirahamwe mpuzamakungu ONU gufatira ibihano abategetsi bo mu gihugu c’Uburundi bose bari inyuma y’ubwo bwicanyi buriko bukorerwa abanyagihugu bo muri Congo.