Uruhara rwa Leta mu kurwanya ikiza ico arico cose ni ntangere biciye mu bushikiranganji bw’Amagara y’abantu. Mu gihe naho hagize leta idafata ingingo zibereye, amashirahamwe mpuzamakungu, cane cane OMS iraba ivy’amagara y’abantu kw’isi, ngo ategerezwa guhimiriza ama leta kugira afate ingingo zose harimwo n’izo gucandaga abanyagihugu. Muganga Jean Minani, yahoze arongoye ubushikiranganji bw’Amagara y’abantu, akaba yabishikirije mu kiganiro « Karahara mu ruganda ntibacura » c’urunani rw’ibimenyeshamakuru Radio Inzamba, radio RPA na Télévision Renaissance co kuri uyu wa 30 Nyakanga 2021, akaba yaganira na Innocent Muhozi.