Ibwirizwa nshingiro rihari kugira rifashe umukuru w’Igihugu ngo ashobore kurandurana n’imizi igiturire. Bivugwa na Gabriel Rufyiri, arongoye ishirahamwe rirwanya ibiturire n’isesagurwa ry’amatungo ya leta (OLUCOME), afatiye kw’ijambo Evariste Ndayishimiye yashikirije asubira kwidoga ko hariho abantu muri leta banyonyeza itunga ry’igihugu. Kuri we ngo umukuru w’Igihugu yokwifashishije ingingo ya 69 y’ibwirizwa nshingiro ivuga ko ubutunzi bw’igihugu ari ntakomakomwa hanyuma uwufashwe akagirizwa ubusuma agaheza agahanwa.