Ibisasu 5 vya obus vyaratewe ku kibuga c’indege ca Bujumbura mw’ijoro ryo ku wa gatandatu rishira uwa Mungu. Ico gitero kikaba cemangwa n’umuhari urwana RED-TABARA. Patrick Nahimana, umuvugizi w’uwo muhari, amenyesha ko intambara hagati y’igisirikare c’Uburundi na RED-TABARA zabandanije no ku munsi wa Mungu 19 Nyakanga mw’ishamba cimeza rya Rukoko. Ariko umuvugizi w’igisirikare c’Uburundi we yamenyesheje ko ata gitero cabaye, akaba yabivuze mu kiganiro yahaye iradiyo BBC ku munsi w’Imana. Kurikira Patrick Nahimana umuvugizi w’umuhari urwana RED-TABARA.