Umuhari Inamahoro, abakenyezi n’abigeme baharanira amahoro n’umutekano, urashima itorwa ry’umukenyezi ngo arongore urwego rw’Umuhuza w’Abarundi. Ku bwa Marie Louise Baricako, arongoye uwo muhari, ngo yiteze ku muhuza mushasha ibikorwa bijanye n’ukunywanisha Abarundi hamwe n’ugushira imbere ubuntu kugira Uburundi busubirane iteka. Igikorwa ku bwa Marie Louise, gishobora kutamworohera mu gihe umugambwe CNDD-FDD uri ku butegetsi ushaka kwifatira mu kwaha inzego zose z’igihugu.