Guhimbaza umunsi mpuzamakungu wahariwe abakenyezi vyari bikwiye kuba akaryo ko kwihweza no kuraba ivyakozwe bafatiye ku civugo c’umwaka waheze. Nivyo mukurikirana uno munsi mu kiganiro « Agateka k’umukenyezi » mutegurirwa n’Umuhari Inamahoro, abakenyezi n’abigeme baharanira amahoro n’umutekano. Jacqueline Habonimana, umunywanyi w’uwo muhari, yibukije indongozi z’Uburundi ko ivyivugo zitora ku mwaka bitoba amajambo gusa, ahubwo bishirwe mu ngiro.