Abantu ntibategerezwa gutinya ukuri kuri kahise k’Uburundi, nk’ivyo umurwi CVR uriko urakora ubu ku bantu bishwe mu 1972. Ni ibishikirizwa na Sylvestre Ntibantunganya. Uwo yahoze ari umukuru w’Igihugu, avuga ko umuhisi Melchior Ndadaye yaharanira ukwo kuri. Ntibantunganya akaba yabivuze mu gihe kuri uyu wa 21 Gitugutu, hibukwa imyaka 29 incungu ya demokarasi mu Burundi igandaguwe. Akavuga ko ukwo kuri ari kwo kuzokura igihugu mu kaga.