Birateye agahinda kubona imyaka 25 iheze abishe abatutsi 648 bari bahungiye mw’ikambi y’abateshejwe izabo batigeze bakubitwa intahe mu gahanga. Ako gahinda gafiswe n’ishirahamwe AC-Génocide igisata co muri Canada. Emmanuel Nkurunziza, umunyamabanga w’iryo shirahamwe, akaba yabishikirije kuri uyu wa  25 Mukakaro 2021, aho ishirahamwe AC-Génocide ryari riramutse rija kwunamira abo bagandaguwe n’abarwanyi b’umuhari CNDD-FDD warwanya leta y’ico gihe. Emmanuel Nkurunziza akagabisha amakungu ko ukwo gusasira indava ukudahana mu Burundi bishobora kugira ingaruka mbi muri kano karere.