Ishirahamwe OLUCOME ryishinze kurwanya igiturire n‘isesagurwa ry’amatungo ya leta riradoma urutoke ku busuma bwabaye mw’ishirwa mu ngiro ry’umugambi wo gushira hamwe amashirahamwe ya Air Burundi na SOBUGEA. Gabriel Rufyiri, arongoye iryo shirahamwe, yerekana ko bamwe mu bihangange vy’umugambwe CNDD-FDD bafitaniye isano n’ishirahamwe ryahawe isoko yo gushira mu ngiro uwo mugambi, na cane cane uwurongoye inama nkenguzamateka. OLUCOME itera akamo umukuru w’igihugu guhagarika ubwo busuma bw’amatungo ya leta.