Ngo Uburundi buzokwunguka mu gihe buzokwisubirako bukaja mu murongo nk’abandi. Kuko kugeza kuri uyu mwanya ntibwigeze butanga uburenganzira kugira ngo nabwo bushobore kuja mu murwi w’ibindi bihugu, aho bikoranira hamwe mu gufata ingingo ruhasha zirwanya igiturire. Bishikirizwa na Gabriel Rufyiri, arongoye ishirahamwe rirwanya ibiturire n’isesegura ry’amatungo ya leta (OLUCOME). Yabishikirije mu gihe aherutse kwitabira inama yerekeye kurwanya igiturire yabereye muri Egiputa mu gisagara ca Sharm El Sheikh. Ingingo umunani nizo zatowe zerekeye kurwanya igiturire. Aravuga cane kuri zibiri nkuru nkuru muri zo.