Sentare y’umuryango w’ibihugu vya Afrika y’Ubuseruko yatanguye gusasa mu manza zayo i Bujumbura kuri uyu wa mbere itariki 8 Munyonyo 2021. Nestor Kayobera, arongoye iyo sentare, amenyesha ko ivyo bizotuma iyo sentare yari isanzwe isasa i Arusha mu gihugu ca Tanzaniya, imenyekana gusumba mu bihugu bigize umuryango wa Afrika y’ubuseruko. Nestor Kayobera akavuga kandi ko bizotuma Abarundi bamenya amategeko agenga iyo sentare hamwe n’ingene ikora. Iyo sentare ikazorangiza ico gikorwa kw’itariki ya 26 Munyonyo 2021.