Amajambo y’umukuru w’igihugu yategerezwa gukurikirwa n’ingingo ruhasha kugira ace intege abantu bose bavugwa mw’isesagurwa ry’amatungo ya leta. Akamo gaterwa n’umukuru w’ishirahamwe OLUCOME. Gabriel Rufyiri abona ko mu mwanya wa mbere amashirahamwe hamwe n’abantu bose bagirizwa ubusuma muri ayo masoko ya leta bohagarikwa mu maguru masha hanyuma bakabanza bagashirwa imbere y’ubutungane kugira babibazwe.