Uwogomba gutorera umuti urama ikibazo c’imirwi yitwaje ibirwanisho iri muri kano karere k’ibiyaga binini, yobanza gutorera umuti ingorane za politike zituma abantu bata izabo bagahunga. Uwo mwihwezo ni uwa Emmanuel Nkengurutse, yahoze ari umukenguzamateka. Akaba agize uwo mwihwezo inyuma y’inama y’abarongoye inzego z’iperereza zo muri kano karere yabaye mu ntango y’ino ndwi aho zumvikanye kurwaniriza hamwe imirwi y’abitwaje ibirwanisho. Emmanuel Nkengurutse akibutsa ko mwene iyo mirwi ikunda kwitabirirwa n’impunzi ziba zishaka gutaha.