Leta y’Uburundi ikwiye gufata ingingo nk’iz’ibindi bihugu vyose vyo kw’ isi bifata kugira abanyagihugu ntibabandanye bandura umugera wa Corona. Aka ni akamo gaterwa na Gervais Nibigira, icegera c’uwurongoye urunani rw’Abarundi b’intungane. Ni mu gihe uwo mugera umaze iminsi ugisibije mu ntara zitandukanye zigize igihugu. Asaba ubushikirangaji bw’amagara y’abantu kuza baravuga ibitigiri nyavyo vy’abandura umunsi ku munsi, no guhimiriza abanyagihugu kugira bakwirikize amabwirizwa yo kwikingira uwo mugera wa Corona.