Leta itegekanya gutubika umukanda umunyagihugu muto asanzwe akenye mu mafaranga izokoresha muri uno mwaka. Bivugwa na Gabriel Rufyiri, arongoye ishirahamwe ryishinze kurwanya igiturire n’isesagurwa ry’amatungo ya leta (OLUCOME). Abivuze inyuma y’aho Inama nshingamateka yemereje integuro y’itegeko itegekanya ko amafaranga leta izokoresha yoduzwa ku rugero rw’ibice 40 % ugereranije n’ayakoreshejwe mu mwaka uheze. OLUCOME ikaba yari yipfuje ko leta yotegekanya amafaranga yo gutubika uwavubi ashirwa cane cane mu bisata vyo kugwiza umwimbu ariko ay’uno mwaka yashizwe ahanini mu yazokoreshwa n’abategetsi.