Leta y’Uburundi yakiriye kuri uyu wa kane inkingo za mbere zo kwikingira umugera wa Corona zigera ku bihumbi 500. Iyo ngabire ikaba yatanzwe n’igihugu c’Ubuchinwa. Ishirahamwe OLUCOME risaba umukuru w’igihugu gutanguza isekeza ryo kujijura Abarundi kugira bitabire urucanco rwa Corona kandi hashirweho ingingo zubahiriza abari mu zabukuru mu kuronswa urwo rucanco. Mw’ikete ryarungikiwe umukuru w’igihugu Evariste Ndayishimiye, Gabriel Rufyiri, arongoye iryo shirahamwe rirwanya isesagurwa ry’amatungo ya leta, asaba abarongoye igihugu kwirinda ivya ka mwana wa mama n’ukwirinda gukoresha ibiturire kugira abantu bahabwe urucanco.