Abantu bagera ku 250 barabuzwe irengero kuva mu mwaka w’2015 gushika mu 2020. Ibitigiri dusanga mu matohoza y’ishirahamwe FOCODE. 30 muri bo bakaba babuzwe irengero kuva Evariste Ndayishimiye atanguye amabanga yiwe muri Ruheshi 2020.
Kubwa Pacifique Nininahazwe, yatanguje isekeza Ndondeza, avuga ko abanywanyi b’umugambwe CNL aribo banyuruzwa ku bwinshi. Insiguro iboneka ni uko intumbero y’umugambwe uri ku butegetsi ari ukurandurana n’imizi inkingi z’umugambwe CNL ku gutinya ko uyo mugambwe utera imbere.