Nta gitangaje kubona Umukuru w’igihugu abogoza umuntu mu mabanga amwagiriza amakosa ariko ata minsi iheze agaca amushinga ayandi mabanga. Bivugwa n’umushingwamanza Vital Nshimirimana, arongoye uruni rw’amashirahamwe adaharanira ivyicaro vya politike (FORSC). Ivyo akabivuga afatiye kw’igenwa rya Albert Maniratunga mu kibanza c’umuyobozi mukuru wo gutwara abantu n’ibintu. Uwo nawe akaba ata mezi atatu yari aheze abogojwe ku mugaragaro n’umukuru w’Igihugu ubwiwe mu mabanga yo kurongora ishirahamwe OTRACO. Vital Nshimirimana akavuga ko iyo ngendo yamye iranga intwaro y’umugambwe CNDD-FDD kuva ugishika ku butegetsi.