Kuba abakenyezi n’abigeme batagira uburenganzira bwo gutorana mu Burundi ngo bituma bama mu bukene ntibiteze imbere. Bishikirizwa na Marie Louise Baricako, arongoye umuhari Inamahoro, abakenyezi n’abigeme baharanira amahoro n’umutekano, mu rukurikirane rw’ikiganiro « Agateka k’umukenyezi ». Kubwa Marie Louise Baricako, ngo n’amabi menshi afatiye ku gitsina abera mu miryango usanga kenshi ava kuri ukwo gukumirwa kw’umukenyezi.