Ubutegetsi buratanguye kubona ko ikiza ca Corona kiriko kirarwirirana ku bwinshi mu gihugu. Ku munsi ku munsi hafatwa ingingo nshasha zo kwirinda umugera wa Covid-19. Aho twovuga nko kwambara agatambara gafuka izuru n’umunwa mu ntumbero yo  kwikingira Corona, umuntu wese agiye mu kigo ca Mairie ya Bujumbura ategerezwa kugenda akambaye, hamwe no kwugara amazu y’ubutambiro. Ivyo vyiyongera ku ngingo yo kwugara imipaka yatanguye kuja mu ngiro kuri uyu wa mbere.