Guhohoterwa nk’uko biriko bishikira ubu umumenyeshamakuru Floriane Irangabiye, biri mu bikorwa vy’iterabwoba bituma abakenyezi batari bake batinya kugira ico baterereye mu buzima bw’igihugu. Ivyo binegurwa na Marie Louise Baricako, arongoye umuhari Inamahoro, abakenyezi n’abigeme baharanira amahoro n’umutekano. Agahamagarira abakenyezi kubona ko igihe cageze kera ko bamenya uburenganzira bwabo, nk’ubwo gushikiriza ivyiyumviro vyabo, kandi bakabugwanira.