Inyuma y’umwaka wari uheze amashure atugurura mu gisagara ca Kigali, abanyeshure bose basubiye gutangura kuri uyu wa kabiri igenekerezo rya 23 Ruhuhuma 2021. Leta ikaba yari yafashe ingingo yo kwugara amashure yose mu gihugu c’Urwanda mu kwezi kwa gatatu 2020, igihe haboneka umuntu wa mbere yanduye umugera wa Corona. Amashure yo mu myaka ya 4, 5 na 6 y’amashure mato mato, amwe mu mashure yisumbuye hamwe n’aya kaminuza akaba yari yuguruwe mu mpera z’umwaka w’2020, ariko aca arasubira kwugarwa mu kwezi kwa mbere kubera ibitigiri vy’umurengera vy’abanduye n’abahitanwa n’ikiza ca Corona.