Ingenzi ntizizosubira gutegekwa kuja mu ma hoteli mu kurundira ibipimo vy’umugera wa Corona, abo bazosanga barwaye bazoja kurwarira muhira iwabo canke baje mw’ihoteli bihitiyemwo. Ivyo vyashikirijwe na Dr Jean Baptiste Nzorironkankuze, umunyamabanga ntayegayezwa mu bushikiranganji bw’amagara y’abantu, kuri uyu wa mbere, kw’izina ry’umurwi ujejwe kurwanya ikiza ca Corona. Akaba yanaboneyeho kumenyesha ko imipaka Uburundi buhana na Tanzaniya i Kobero na Mugina yuguruye inyuma y’amezi atari make yari imaze yugaye mu kurindira ko ikiza ca Corona kirandagata.