Amakuru
31 janvier 2023

Imico ndangakaranga nyafrika ishobora kunywanisha Abanyafrika

Uko umwaka utashe igenekerezo rya 24 Nzero, harahimbazwa umunsi mpuzamakungu wahariwe umuco nyafrika. Ni muri iyo ntumbero ku munsi wa gatanu igenekerezo rya 27 Nzero ishirahamwe ry’urwaruka ryitwa Iteka Youth Organization ryo mu gihugu kibanyi c’Urwanda risanzwe rifata mu mugongo urwaruka mu ntumbero yo gutsimbataza amahoro mu kibano, ryatunganije igiteramo ndangakaranga k’Abanyafrika ryise ITEKA AFRICAN CULTURAL FESTIVAL. Hari hatumiwe imirwi y’akaranga y’Abarundi n’Abanyarwanda, imirwi ihayagiza ivyambarwa n’utundi tugenegene turanga umucokama w’abaturuka muri Cameroun, Côte d’Ivoire n’ahandi.