Haracariho ibisabwa Uburundi kugira busubire kuronswa amafaranga y’Ubumwe bwa Buraya agenewe leta. Vyamenyeshejwe na Claude Bochu, aserukira Ubumwe bwa Buraya mu Burundi, kw’itariki ya 10 Ruheshi uyu mwaka. Hariko hahimbazwa umunsi wahariwe ugufashanya hagati y’Ubumwe bwa Buraya n’Uburundi. Yamara umushikiranganji w’Imigenderanire asa n’uwudaha agaciro iyo mfashanyo. Ku bwa Albert Shingiro, ngo iyo mfashanyo si yo Uburundi burindiriye kugira butere imbere.