Imbonerakure zaramaze kwizizira ibibanza bimwe nk’ivy’abajejwe umutekano n’ubutungane. Ivyo binegurwa na Vital Nshimirimana, arongoye urunani rw’amashirahamwe FORSC. Akabivuga afatiye kw’ireresi yerekana umuntu yicaye mu vyatsi, Imbonerakure z’i Nyanza-lac ziriko zimutegeka gusaba ikigongwe Imbonerakure zivuga ko yatutse. Aho bakaba bahavuye bamubwira ko urubanza rwiwe barusibije, ariko ngo ahirahiye agasubira, bazomukoza ico bashaka. Vital Nshimirimana akavuga ko izo Mbonerakure zotegerejwe gukurikiranwa n’ubutungane.