Hari Imbonerakure 7 zimaze iminsi yababa indwi mu minwe y’iperereza mu Kirundo. Bakaba bafashwe kw’itegeko ry’uwutwara iperereza muri iyo ntara. Imvo yatumye bafatwa ikaba ari uko banse kuja hamwe n’urundi rwaruka rugera kw’ijana ruri mu myimenyerezo ya gisirikare kugira rurungikwe kurwana muri Congo. Ivyo bikaba vyatumye urunani rw’amashirahamwe FORSC rutera akamo ko gusemerera. Vital Nshimirimana, arongoye FORSC, agasaba ko izo Mbonerakure zafashwe zikingirwa, ngo kuko imbere ya vyose ari abana b’Uburundi.