Umwimbu w’umuceri urashobora kugabanuka ku rugero runini mu ntara ya Bujumbura. Ivyo bikazova ku gukena kw’ifumbire FOMI, na cane cane ubwoko Totahaza bukoreshwa cane mu kiyaya ca Rusizi mu ndimo z’umuceri. Izo mpungenge zishikirizwa na buramatari w’iyo ntara. Désiré Nsengiyumva akavuga ko kugeza ubu iyo fumbire imaze gutangwa ku bice 9% gusa. Yabibwiye bagenzi bacu bo kuri RTNB.