Abanyagihugu bo mu ntara ya Kayanza baridoga ko batashoboye kugura nk’uko bavyipfuza ibigori vyegeranijwe n’ikigo ANAGESSA. Bikaba vyavuye ko kuri uyu wa mbere ari ho hatangura igurishwa ry’uwo mwimbu bahereye ku mwimbu w’ibigori. Uwo mwimbu ukaba rero wabaye muke cane gushika aho abatari bake mu banyagihugu bataronse na duke. Ariko ubushikiranganji bw’Uburimyi bwari bumaze kumenyesha ko igurishwa ry’uwo mwimbu ryisunga ingene abanyagihugu bagiye baregeranya umwimbu wabo ku ntara ku ntara.