Ukuntu urubanza rwa Floriane Irangabiye rwagenze ku munsi wa kane w’indwi iheze birahumuriza umuhari Inamahoro, abakenyezi n’abigeme baharanira amahoro n’umutekano. Marie Louise Baricako, arongoye uwo muhari, avuga ko kubona rwabaye mu mahoro kandi n’ababuranyi bakaronka umwanya ukwiye wo kwerekana ibitagenze neza mu rubanza rwa mbere, bibaha icizere ko sentare y’iyungururizo ya Muha izorenganura Floriane Irangabiye ikamurekura. Akaba abishikirije inyuma y’aho ruburanishijwe mu gihe sentare nkuru ya Muha yari yamuciriye gupfungwa imyaka 10 ifatiye ku vyagiriji bidafashe.
Amakuru
3 avril 2023
