Mu minsi iza hazoshirwaho amasezerano ya Afrika yo guhasha amabi akorerwa abakenyezi. Ni muri iyo ntumbero ishirahamwe ry’Ubumwe bwa Afrika ririko ritunganya amanama n’amashirahamwe adaharanira ivyicaro vya politike. Umuhari Inamahoro, abakenyezi n’abigeme baharanira amahoro n’umutekano, ni umwe muri ayo mashirahamwe. Marie Louise Baricako, arongonye uwo muhari, akaba ku munsi wa kane yari mu nama yatunganirijwe ku buhinga bwa none. Avuga ko ayo masezerano azoba ari intambwe ikomeye mu kurwanya amabi afatiye ku gitsina. Akaba yizera ko azotuma leta y’Uburundi yikubita agashi mu kwubahiriza agateka k’abakenyezi.
Amakuru
6 septembre 2024
