Abantu bashasha banduye umugera wa Corona bangana n’375 mu minsi ibiri iheze mu bice bitandukanye ku bipimo birenga 7500 vyafashwe nk’uko biri mu cegeranyo c’ubushikiranganji bw’amagara y’abantu no kurwanya umugera wa SIDA co ku wa 10 Myandagaro 2021. Akarere k’ubuvuzi ka Kirundo kakaba kakiza ubwa mbere ku bantu bashasha 59 ku bapimwe 424, n’urugero rw’abandura rungana n’ibice birenga 13%. Uturere tw’ubuvuzi twa Muramvya na Kibumbu tukaba aritwo tuza ubwa mbere ku rugero rwo kwandura ikiza ca Corona ku rugero rungana na 25%.