Abantu bagera kuri 40 bashasha nibo bamenyekanye ko banduye umugera wa Covid-19 mu minsi ibiri iheze, ni ukuvuga ku magenekerezo ya 4 na 5 Nzero umwaka w’2021. Mw’itangazo ryasohowe n’ubushikiranganji bw’amagara y’abantu kuri uno wa gatatu, Dr Thadée Ndikumana akaba yamenyesheje ko 10 muri abo bamenyekanye ari uko bagiye gusaba urupapuro rwerekana ko batanduye Coronavirus kugira bafate ingendo. Uwo mushikiranganji agasaba abanyagihugu kubandanya bikingira ico kiza.