SYTECORE ni ishirahamwe ryoba ririko ryishuza leta ngo barihe amafaranga ubugira gatatu ku gikorwa kimwe. Ivyo vyemezwa n’ishirahamwe OLUCOME rirwanya igiturire n’ugusesagura amatungo ya leta, mw’ikete ryandikiye umukuru w’Igihugu, rimusaba kutariha iryo ishirahamwe. Iryo kete ryerekana ko ico gikorwa cari kimaze kurihwa incuro zibiri bitanakenewe ku rindi zina. Gabriel Rufyiri, arongoye OLUCOME, amenyesha kandi ko iryo shirahamwe ari ryo ryahawe isoko y’ukwubaka ku nkengera z’uruzi Ntahangwa ata rupapuro na rumwe rihawe.