Umukuru w’Igihugu arakwiye gufata ingingo agahagarika akajagari kamaze igihe mu gisata co kwunguruza abantu. Bisabwa na Gabriel Rufyiri, arongoye ishirahamwe rirwanya ibiturire n’isesagura ry’amatungo ya leta (OLUCOME), inyuma y’aho umurwi ugizwe n’abayobozi bakuru bo mu bushikiranganji bwo kwunguruza abantu n’Ubudandaji ufatiye ingingo yo kuduza ibiciro vyo kwiyunguruza, hanyuma umushikiranganji w’Ubudandaji nawe agafata ingingo yo gufuta iryo duzwa ry’ibiciro, ariko uwo murwi ukanana. OLUCOME ikababazwa no kubona abanyagihugu aribo bariko bagwa mu mporero y’ukwo kunyinyurana.