Kuduza igiciro c’ibitoro si inyishu leta iba itoreye ikibazo c’ikena ryavyo, ahubwo biza kuvuna umunyagihugu asanzwe ari mu bukene. Bivugwa na Gabriel Rufyiri, arongoye ishirahamwe rirwanya ibiturire n’isesagura ry’amatungo ya leta, OLUCOME. Abishikirije inyuma y’aho leta ifatiye ingingo yo kuduza igiciro c’igitoro ku rugero rwababa ibice 15%. Agahanura leta ko yoshiraho icuka ciza mu vy’urudandazwa vyofasha ko abanyamitahe bashiramwo imitahe yabo mu gisata c’igitoro, gutyo bigatuma ico kidandazwa kitaza kirakena.