Abahoze bafise ibibanza mw’isoko nkuru ya Bujumbura bakwiye gusubizwa agateka kabo mu gushumbushwa. Ivyo bisabwa na Gabriel Rufyiri, arongoye ishirahamwe OLUCOME rirwanya igiturire n’isesagura ry’amatungo ya leta, mu gihe haheze neza na neza imyaka 9 isoko nkuru ya Bujumbura ihiye. Gabriel Rufyiri agasaba leta gushiraho umugambi ujanye n’ingene ayandi masoko asigaye yokingirwa.