Abanywanyi b’umuhari w’urwaruka rw’Imbonerakure barahebwe na leta ya CNDD-FDD, umwanya wose baba bari mu bikorwa vyo gukizura, canke gukwirikira inyigisho za gisirikare, aho kubarungika kw’ishure canke mu bindi bikorwa vyobateza imbere. Umushingwamanza Vital Nshimirimana, aserukira urunani rw’amashirahamwe adaharanira ivyicaro vya politike (FORSC), abivuze inyuma y’aho Révérien Ndikuriyo, umunyamabanga mukuru wa CNDD-FDD, ashikirije y’uko Imbonerakure zigiye kwigishwa ivya gisirikare kugira zicungere umutekano w’igihugu. Umushingwamanza Vital Nshimirimana yibutsa ko ahantu hose habonetse mwene izo nyigisho kuri iyo mirwi havuyemwo ubwicanyi bw’agahomerabunwa, nko mu Rwanda na Côte d’Ivoire.