Leta y’Uburundi irizeye ko umugambi wo kwubaka ibarabara ry’indarayi rihuza ibihugu vy’Uburundi, Tanzaniya na Republika iharanira Demokrasi ya Congo uzoshoboka. Marie Chantal Nijimbere, umushikiranganji w’Ubudandaji, ingenzi no gutwara Abantu n’ibintu, yabishikirije kuri uyu wa 19 Nzero, aho yari aramutse aja gusigurira abashingamateka integuro y’itegeko rigenga ivyo gutwara abantu n’ibintu biciye mw’ibarabara ry’indarayi. Marie Chantal Nijimbere yamenyesheje abashingamateka ko iryo barabara rizofasha kugira ugutwara ibidandazwa bisohoka canke vyinjira mu Burundi bitware uburyo buke.