Gutemagura imirima y’impunzi z’Abarundi ziri mu gihugu ca Tanzaniya n’ukuzibuza kurema isoko ngo ni ibikorwa binyuranye n’amategeko mpuzamakungu agenga impunzi. Bishikirizwa na Marie Louise Baricako, arongoye umuhari Inamahoro, abakenyezi n’abigeme baharanira amahoro n’umutekano. Ni inyuma y’aho abajejwe umutekano mw’ikambi bafadikanije n’igipolisi ca Tanzaniya batemaguriye imirima y’impunzi zo mw’ikambi ya Nyarugusu mu ndwi iheze. Uwo arongoye umuhari Inamahoro asaba ishirahamwe rishinzwe impunzi HCR gukwirikirana hagufi ikibazo c’impunzi z’Abarundi ziri mu gihugu ca Tanzaniya kandi zongere kandi zikingirwe.