Ishirahamwe AC-Génocide igisata co muri Canada ririyamiriza ivyashikirijwe n’Umurwi ujejwe kumenya ukuri n’ukunywanisha Abarundi CVR aho wemeza ko mu mwaka w’1972 habaye ihonyabwoko ryakorewe Abahutu. Emmanuel Nkurunziza, umunyamabanga mukuru wa AC-Génocide igisata ca Canada, amenyesha ko uwo murwi wagiyeho hahonyanzwe amategeko, CNDD-FDD nayo ica ihindura ingene CVR yari kujaho kugira ntizobazwe ubwicanyi CNDD-FDD yakoze. Emmanuel Nkurunziza asigura ko CVR ikora ibintu biza biyikundwakaza ku mugambwe CNDD-FDD ikirengagiza ayandi mabi yakorewe Abatutsi.