Ibitigiri vy’abandura ikiza ca Corona bibandanya vyiyongera mu gisagara ca Bujumbura, kuko abanyagihugu batagikwirikiza amabwirizwa yo kwirinda ico kiza. Dr Sylvie Nzeyimana, umushikiranganji w’Amagara y’abantu, yabimenyesheje kuri uyu wa kabiri, ahejeje kugendera ibibanza bimwe bimwe bihuriramwo abantu benshi, mu ntumbero yo kuraba uko abanyagihugu bubahiriza amategeko yo kwirinda ikiza ca Corona. Dr Sylvie Nzeyimana asaba Abarundi kubandanya bubahiriza amategeko yo kwirinda ico kiza muri ibi bihe bisozera umwaka.