Ubwinshi bw’abapfungwa mw’ibohero rikuru rya Gitega ni kimwe mu bituma haduka ibiza nk’umuriro wadutse muri iryo bohero mu gitondo co kuri uyu wa kabiri. Bishikirizwa n’Ishirahamwe rukristu rirwanya ihohoterwa rya kiremwa muntu (ACAT-Burundi). Kubw’umushingwamanza Jean Claude Ntiburumusi, ajejwe igisata c’amategeko muri iryo shirahamwe, ubushikiranganji bw’Ubutungane ngo burakwiye gufata ingingo zo gukingira amabohero na cane cane mu kugabanya abanyororo b’umurengera. ACAT-Burundi ikaba ihoza imiryango y’abahitanywe n’uwo muriro.