Imanza zigera ku majana atanu nizo zatanzwe muri sentare ya Afrika y’ubuseruko kuva itangura ibikorwa vyayo mu mwaka w’2001, izigera ku 300 nizo zimaze gusomwa n’iyo sentare, hamwe n’izindi 150 zikibangiriye. Ivyo bishikirizwa na Nestor Kayobera, arongoye iyo sentare ya Afrika y’ubuseruko, aho yariko arashikiriza ibimaze gukorwa muri kino gihe bagiye guhimbaza imyaka 20 iyo sentare ishinzwe. Uwo arongoye iyo sentare avuga ko bigiye kworoha ko abanyagihugu bashingisha imanza zabo batarinze gushika ku biro bikuru i Arusha kuko ngo hashizweho abanditsi b’imanza mu bihugu vyose bigize Afrika y’ubuseruko.